件事係咁既.....
7月15日，我同朋友到葵芳葵涌廣場一樓trendy lane shop 1100，唔知叫see by乜撚野既shop訂造一對索價$658既皮製高踭涼鞋，當日店員話三星期會有，由於有朋友早前亦到此店訂左同款鞋，所以我亦無介心地俾左全數。
8月4日，致電到此店查詢到貨未，店員說"呢個星期一定有"
8月10日，再致電到此店查詢到貨未，店員說"聽日會返貨，應該有你果對，唔駛擔心啦，有貨打俾你"
8月11日，兇狠地再致電到此店查詢到貨未，店員說"要今晚七點幾先知有無你果對" "我都唔知有咩貨返, 要問老細" "我知你果對都好耐" "有貨打俾你"
dee佢老味丫﹗我決定唔撚返學收工直接落葵芳剷爆佢﹗
朋友一直認為最終我拎唔到貨亦拎唔返錢，我就唔認同喇，而且拎唔到所訂既貨/退錢(當然最好係要錢啦)，我係唔會罷休架﹗﹗
落到去，見佢有個客，岩晒﹗我地扮睇下野，跟住我問店員"我對鞋有問呀"，佢問我拎單扮check，之後話未有，還堅稱只係三星期，仲話對鞋到左倉/廠，我少兇地就反問佢"你個倉係邊呀"，佢仲夠膽死問我會唔會依家落利時拎，我問佢係咪玩野，佢即時話"唔駛咁惡呀，退返錢俾你囉"
結果我可以係五分鐘內拎返$658﹗即刻請左個朋友去食飯~~~
奉勸大家以後去訂野前要三思呀，無謂激親自己~~
